تصوير واجهات لـ 1500 مبنى سكني داخل القاهرة

سوف يتم تشغيل اكثر من 10-15 شخص داخل هذا المشروع المشروع لا يشترط خبرة غير انك (تجيد عملية التصوير) و تملك إما هاتف بكاميرة عالية الدقة او كاميرة احترافية إذا كنت من سكان المناطق الأتية بالقاهرة ( مدينة نصر , المطارية , مصر الجديدة , عين شمس , شبرا , المعادي, المقطم, حلوان , السيدة زينب, حدايق القبة, باب الشعرية, الموسكي , الأزبكية , بولاق , النزهة , المرج , البساتين ) و حابب تنضم فمرحب بيك جدا هطلب من كل شخص تصوير 100 واجهة لمباني سكنية في المنطقة الـ هوا ساكن فيها - (سعر الـ 100 صورة 25 دولار) و انا هدفعلك 5 دولار ثمن المشروع يعني 30 دولار كمجمل في بعض الملاحظات و الإشتراطات في عملية التصوير( مهمة جدا ) 1- التصوير هيكون في النهار 2- الصور متكنش مهزوزة مهم جدا النقطة دي 3- واجهة المبنى تكون داخل اطار الصورة 4- طول المبنى لا يتجاوز 13 طوابق و يفضل جدا المباني الـ 4-5 طوابق 5- يشترط ان تكون مواجه للمبنى اثناء عملية التصوير مش تكون واخد زاوية (هرفع صور توضح التصوير الجيد ) 6- لا يتم تصوير مباني متجارة 5 مبانى كحد اقصى من الشارع الواحد, بالبلدي عايزك تلف المنطقة اثناء عملية التصوير مش تاخد الصور كلها في حتة واحدة (هام جدا) 7- حاول تختار افضل مباني المنطقة (المباني النضيفة)متنساش ان المباني الـ عيزها سكنية بس مش تجاري 8- حجم الصورة يبقى كبير على الكمبيوتر متكنش الصور مبكسلة اعلى من 2000 9- لازم تعرف ان حقوق الملكية بتاعت الصورة هتكون ملك لي بعد عملية الشراء 10- يتم رفع الأعمال على Dropbox . 11- المدة الزمنية 3 ايام حد اقصى لتصوير الـ 100 مبنى بعد عملية الموافقة و التشاور بين المصور 12- عايزك تكون متوقع انه ممكن يتم إعادة طلب تصوير بعض الصورة الغير مقبولة هيا الإشتراطات كتير لاكن بسيطة جدا الشخص الـ صوره هتعجبني ممكن ينزل اكثر من منطقة (ده لو هوا حابب يكمل طبعا )+ الأشخاص الجدد مرحب بيهم و إن شاء الله هتكون بداية كويسة للجميع شكرا للقراءة لما تقدم اول حاجة تكتبهالي منطقتك( الـ انتا ساكن فيها ) و نوع الموبايل او الكاميره المستخدمة و الناس الـ هتبعت صورة واحدة تجريبية هيكون مفضل اختيارهم شكرا للجميع